Miro
Ritt, XPodenco , 9 Joer et 8 Méint

Awanderer sicht neit Doheem, aus Spunien an net frou mat der Keelt, sinn ech nach ëmmer op der Sich no engem Mënsch, dee mat mir eng Couch well deelen. Ech sinn en Podencobouf a kennen dat Wieder hei schonn 8 Joer.

Duerch an duerch Juegdhond, fänken ech iech alles wat mir virun Nues kennt, esou huet schonn esou muncher Villchen a Kaweechelche schlecht Erfarung mat mir gemaach. Esou dass dir iech denke kënnt, dass ech mat Kazen an anere klengen Déieren och esou géif ëmgoen. Dat heescht awer och dass ee mech net vun der Lenkt ka loossen.

Ech kennen och soss net vill vun der Welt, awer ech si bereet et mat iech an duerch iech ze leieren. Ech hunn nach ni engem Zweebeener eppes zuleeds gedoen, Kanner kennen ech net well ech hei am Asyl opgewuess sinn.

Ech hunn hei am Asyl ee Muppenfrënd an eng Muppenfrëndin, dat sinn awer déi eenzeg mat deenen ech frou sinn. All déi aner hunn ech bis elo mat menge Frënn verdriwwen. Wann ech eleng si kann een awer villäicht mol mat engem anere Mupp probéieren.

Charakter: Gentil
Versteet sech mat aneren Honn: +- OK
Versteet sech mat Kazen: Nee
Identifikatioun: CHIP
Daisy
Mudder, Malinois , 11 Joer et 1 Méint
Do sinn ech erëm, méin Gléck war leider net vun laanger Dauer.
Nodeem méin Mënsch gestuerwen ass, sinn ech erëm adoptéiert ginn. Si huet mech verstane mat menger Angscht virun friemen Leit an huet mirZéit ginn fir mech mat mengen Muppenkollegen déi schonn am Haus gelieft hunn unzefrënnen.
Hunn ech fréier aus Angscht gebass, sinn ech haut mengem Alter entspriechend vill méi roueg an kommen no enger Zéit an mat e bësschen Gedold vum selwen schmusen.
Ech hunn et gären e bësschen méi gemittlech, Kanner an Muppenkolegen mussen et an mengem neien doheem net ginn.
 

Me revoilà… mon bonheur n’a été que de courte durée.

Après le décès de mes premiers maîtres, j’ai vite réintégré une nouvelle famille, déjà propriétaire d’un chien. Ils savaient qu’il me fallait du temps pour vaincre ma peur des étrangers et me lier d’amitié avec l’autre chien de la maison.

Je mordais autrefois lorsque j’avais trop peur, mais avec l’âge ce réflexe a presque disparu et, une fois rassurée, je viens même réclamer des câlins.

Je préfère rester au calme, dans un foyer de préférence sans enfant et sans autres animaux.

 
 
Charakter: Gentil
Versteet sech mat aneren Honn: Ok +-
Versteet sech mat Kazen: Non
Versteet sech mat Kanner: Non
Identifikatioun: Chip
Skatti
Ritt, Mix, 1 Joer et 4 Méint

Mat menger Angscht ware meng Léit iwwerfuerdert an hunn iergendwann opginn. Ech si mat 4 Méint aus Italien komm a kee weess wat vu Rass a mir stécht.

Ech si ganz zréckgehalent a fäerte villes, alles wat ech net kennen gëtt vu mir direkt mol ugebillt. Villäicht verschwënnt dann dat virun deem ech mech fäerten.Leit hei am Asyl huele mech dann op Säit a vermëttele mir Sécherheet, dat hëlleft mir vill.

Ech brauch nach Erzéiung an Uleedung op eng douce Aart a Weis, well ech sinn elo an der Pubertéit.

Kanner déi respektvoll mat mir ëmgi kenne gären a mengem neien Doheem sinn

 

Mit 4 Monaten ins Land gekommen und sehr ängstlich und zurückhaltend, bin ich mit vielem überfordert. Besonders jetzt in der Pubertät würde ich Anleitung auf eine sanfte Art und Weise dankend annehmen.

Ich verstehe mich gut mit anderen Artgenossen, wogegen ich Katzen nicht kenne. Auch Kinder können in meinem neuen Zuhause sein wenn sie mit mir respektvoll umgehen.

 

Totalement dépassés par mon côté peureux, mes anciens maîtres ont fini par baisser les bras. Arrivé d’Italie alors que je n’avais que 4 mois, personne n’a su dire quelles races coulent dans mes veines. Je préfère rester à l’écart et suis vite effrayé. J’aboie devant tout ce qui m’est inconnu. Le personnel de l’asile tente alors de me rassurer immédiatement et cela m’aide beaucoup.

J’ai encore besoin d’éducation, mais d’une manière douce et patiente, d’autant que je suis en pleine puberté.

Les enfants traitant les animaux avec respect peuvent parfaitement faire partie de mon nouveau foyer.

Je m’entends bien avec les autres chiens, mais les chats sont encore des extraterrestres pour moi.

Charakter: Timide au début
Versteet sech mat anere Kazen: Nach net pobeiert
Versteet sech mat Honn: Jo
Versteet sech mat Kanner: Jo
Identifikatioun: Chip
Luna
Mudder, croisement Podengo taille petite à moyenne, 7 Joer

Keen weess wat ech erlieft hunn, wahrscheinlech net vill Guddes. Ech sinn Luna vu bal 7 Joer an total onsécher, doduerch hunn ech e puer Schéinheetsfeeler mat deenen ee muss ëmgoe kënnen.

Ech brauch am Beschten nëmmen een eenzele Mënsch. Dat heescht ech sichen en Doheem wou idealerweis eng Persoun eleng lieft an déi ech ganz fir mech eleng hunn. Ech beschützen si mat grommelen an Zänn weisen, genau esou wei mäin Fudder, dat kéint jo ee mir ewechhuelen. Schong oder Féiss si mir suspekt, virun allem wann ee mat hinne fest optrëppelt oder widder eppes kënnt wat da Kaméidi mëscht.

Grouss Spadséiergäng wäre fir mech ideal, mee awer un der Léngt, wat ech ganz gär a brav maachen.

Kazen an aner kleng Déieren, déi sinn a mengen Aen do fir ze joen, do kennt da mäin Podenco Ierwen eraus an ech flitzen allem no.

En anere Muppenfrënd(in) kann awer gär a mengem neien Doheem sinn.

 

Personne ne sait ce que j’ai pu vivre… mais la vie n’a pas dû être toujours rose pour moi. Je m’appelle Luna, j’ai 7 ans et je suis très peu sûre de moi. Du coup, j’ai pas mal de défauts avec lesquels je dois apprendre à vivre.

Dans l’idéal, je cherche à partager ma vie avec un(e) seul(e) maître(sse). Cette personne doit vivre seule et n’appartenir qu’à moi. Je la défendrai bec et ongles (enfin plutôt crocs et grognements) de même que ma gamelle… On pourrait me priver de ma nourriture et cela c’est hors de question !

Les chaussures et les pieds me paraissent suspects surtout lorsque l’on marche derrière moi et que l’on fait du bruit.

J’adore les longues promenades, mais en laisse. D’ailleurs, je me laisse faire sans problème.

Les chats ou les autres petits animaux sont des proies pour moi… Mon instinct de Podenco me pousse à les prendre en chasse. Par contre, je m’entends bien avec les autres chiens.

 

Charakter: gentil et actif, mais tendance à défendre ses "ressources"
Versteet sech mat aneren Honn: +-ok mat Muppen dei dem Luna sympatesch sinn
Versteet sech mat Kazen: Nee
Identifikatioun: CHIP
Morphi
Ritt, XPodenco , 9 Joer et 8 Méint

Als Baby a Spunie fonnt ginn, iwwer eng Organisatioun hei a Lëtzebuerg vermëttelt a just fir e puer Deeg am Asyl geparkt, sinn aus e puer Deeg Jore ginn.

Ech hunn nach net vill vun der Welt gesinn a sinn dofir onsécher an ängschtlech. Mat mir muss een sech ufrënnen, also net einfach kommen a spadséiere goen, mee mol e bësschen Zäit mat mir verbrénge bis ech keng Angscht méi virun dir hunn. Dann kommen ech awer gär an huele meng Schmuseenheeten of. Ech wäichen éischter zréck wei dass ech mech wieren, dofir brauch een e bëssche méi Gedold mat mir.

Als Podenco geziicht, sinn ech e Jeeër a liewen dat och dobaussen aus, wann ech kann. Mech däerf een also net frei lafe loossen, soss maachen ech dat fir dat ech geziicht gi sinn.

Ausser mat mengem Kolleg Miro a menger Frëndin Dora ginn ech net mat anere Muppen eens. Mat enger Muppenkollegin kann ee mol probéieren.

Un verstänneg Kanner géif ech mech bestëmmt gewinnen.

Mat Kaze kann ech net zesumme liewen, déi hunn ech "fir ze friessen" gär.

Ah jo, dat hat ech bal vergiess. Ech hunn nëmme méi een An well ech virun enger Zäit en Tumor dran hat, deen een huet missen eraushuelen. Et ass e klenge Schéinheetsfeeler dee mech awer net steiert, an ech sinn och erëm ganz gesond, esou dass ech nach vill Jore Couch mat iech deele kann.

Charakter: Timide au début
Versteet sech mat Kazen: Nee
Identifikatioun: CHIP
Plato
Ritt, CDR Weimaraner , 7 Joer et 1 Méint

Wann ech mat dir duerch eng Dier well kommen, ass et ganz schwéier mech dovun ofzehalen. Ech sinn a jonke Jore wahrscheinlech mat veraalte Methoden (mat Schmäerz) erzu ginn, dat weisen ech doduerch dass ech mech net méi um Hals(band) upake loossen an och soss ganz mësstrauesch sinn.

Méin Frupse loossen ech mir net ewechhuelen, a weisen dat och ganz däitlech duerch grommelen oder schnapen.

Wann ech iech awer kennen, kommen ech gäre schmusen a ginn och gäre mat iech op den Tour. Ech gi gutt un der Léngt an zeien net. Alles wat bei mir Vertrauen opbaut oder Training mat positiver Verstäerkung, gëtt vu mir gutt ugeholl.

Géint en Muppenfrënd(in) hunn ech näischt.

Kanner a Kaze sollten awer net a mengem neien doheem sinn.

Charakter: Gentil et actif
Versteet sech mat aneren Honn: ok +-
Versteet sech mat Kazen: Nee
Versteet sech mat Kanner: Nee
Identifikatioun: CHIP
Pluto
Ritt, CDR Weimaraner , 7 Joer et 1 Méint

Keng Dier ass virun mir sécher, ech kréien se all op. Mat vill Käppchen, awer ngativ Erfarungen, déi ech am Laf vu mengem Liewe gesammelt hunn, sinn ech net ganz einfach.

Ech sinn e ganz aktive Mupp dee gäre beschäftegt a spadséiere geet.

Duerch schlecht Erzéiung a menger Jugend loossen ech mir net méi alles gefalen, a kann dat och mol mat mengen Zënn weisen. Hei hunn ech duerch positiv Verstäerkung geleiert den Mënschen erëm e bësschen ze vertrauen, trotzdeem sinn ech nach virsiichteg. Meng Erzéiung sollt op positiver Basis weidergefouert ginn, well déi al Methode mat rappen, jäizen oder Picken- an Elektrohalsband quittéieren ech mat Bäissen.

Ech sinn näischt fir bei Kanner, och Kazen an aner Deieren, sollten net a mengem neien Doheem sinn.

Géint eng Muppenfrëndin hätt ech awer bestëmmt näischt.

Charakter: Gentil et actif
Versteet sech mat aneren Honn: ok+-
Versteet sech mat Kazen: Nee
Identifikatioun: CHIP
Dora
Mudder, Labradormischling, 13 Joer et 6 Méint

No 3 Joer bei mengem Mënsch, huet hien eis, meng Schwëster Laika a mech, hei ofginn. Ech sinn Dora an di mësch schwéier mat engem Liewen ausserhalb vu mengem Haus a Gard. Leider hunn mir näischt kenne geléiert, weder eis Ëmwelt nach aner Muppen.

Ech fäerten alles wat ech net kennen a setzen esou gutt wéi ni meng Patt virun Dier vum Asyl. Net well kee mat mir wëll spadséiere goe, mee well ech einfach nëmme fäerten a mech dann dohinsetzen a mech net méi vun der Platz beweegen.

Ech ginn onheemlech gär geschmuust a sinn och frou mat all Mënsch op kleng oder grouss. Eigentlech bräicht ech just eng Plaz mat engem Kierfchen an engem grousse Gard wou ech mech doheem fille kann. Spadséiere braucht dir net méi mat mir ze goen, ech géif et villäicht nach léieren, mee liewen elo schonn esou laang ouni, esou dat ech et net méi brauch.

En Muppenkolleg(in) brauch ech net, wann een do wär, misst ee kucken op ech mech mat him géif verdroen.

Charakter: Timide au début
Verhalen: Ganz léif
Versteet sech mat Kazen: Nee
Versteet sech mat Kanner: Jo mat Kanner déi wëssen wei mat engem Mupp emgoen​
Identifikatioun: CHIP
Skippy
Mudder, Bichon , 10 Joer et 6 Méint

Ech, d'Skippy kommen aus enger Massenzucht. Mir waren zu 4 wéi mir hei an engem desolaten Zoustand ukomm sinn. Mir hunn laang gebraucht bis mir gesondheetlech an der Rei waren.

Leider hunn mir ni eppes kennen geléiert, weder eng Hand vun engem Mënsch, nach eis Ëmwelt. Ech loosse mech dofir net upaken, sinn net propper an och schei allem ronderëm. Well ech e Bichon sinn, musse ech zwee mol am Joer bei den Coiffer. Dat ass awer net wéi bei anere Muppen, mee ech gi bei den Dokter deen mech schlofe leet an da schuert.

Ech brauche en Doheem wou ech net ugepaakt gi respektiv mat vill Ausdauer, Léift an Zéit doru geschafft gëtt. Wou ech en Gard hunn an deem ech mech propper maache kann, well mat mir kann een net spadséiere goen.

Vir meng Kommissioun dobaussen ze maachen, léieren ech bestëmmt relativ séier mat e bëssche Konsequenz.

Muppenkollege sinn kee Problem, ech gi mat grouss an kleng eens.

Kanner fäerten ecg, an Kazen kennen ech net.

Charakter: Méfiant et craintif
Versteet sech mat aneren Honn: ok
Versteet sech mat Kazen: Nach net getest
Versteet sech mat Kanner: Nee
Identifikatioun: CHIP
Baloo>>>>reservéiert
Ritt, XBorder Collie, 1 Joer et 9 Méint

Als Welpen bei engem Schéifer op Welt komm, an als Mupp deem seng Elteren en Border Collie an en Altdeutscher Hütehund sinn, déi nach richteg bei de Schof schaffen, sinn ech menger Famill ganz schnell iwwer de Kap gewuess.

Ech sichen en Doheem mat Léit déi wëssen, dass ech méi wéi einfach Spadséiergäng brauch, an déi sech och bewosst sinn, dass ech nach net vill a mengem Liewe geléiert hunn. Alles wat ech dobausse begéingen, iwwerfuerdert mech nach schnell, wann ech meng Vertrauenspersoun net niewent mer hunn. Wann hei am Asyl mat mir trainéiert gëtt, soen se ech wier awer en richtege Musterschüler.

Ech däerf net mat engem Ball, dee geschoss gëtt, beschäftegt ginn. Do dréinen ech esou op dass ech kee Frënd méi kennen.

Kleng Kanner sollten net a mengem neien Doheem sinn, déi huelen ech net eescht a rennen se einfach iwwer de Koup. Jugendlecher déi respektvoll mech beschäftege géifen, fannen ech awer super.

Kaze well ech net a mengem neien Doheem, genau esou wéineg wei aner kleng Deieren.

En souveräänt Muppemeedche kann a mengem neien Doheem sinn, mat Jonge verstinn ech mech net esou gutt.

Charakter: Très gentil et actif
Versteet sech mat aneren Honn: +- ok
Versteet sech mat Kazen: Nee
Identifikatioun: CHIP